رواية عشقي الأعمى الفصل الثامن عشر 18 بقلم نجمة السماء

رواية عشقي الأعمى الجزء الثامن عشر

رواية عشقي الأعمى البارت الثامن عشر

رواية عشقي الأعمى الحلقة الثامنة عشر

ملاك: يا بابا بس انا عايزة اكمل تعليمي ده حلمي.
احمد بصوت عالي: انا قلت كلمي ايه ناوية تكسريها.
ملاك بدموع: لأ يا بابا حاضر.
احمد: يا بنتي ده لمصلحتك ومش هتلاقي زي ادم.
ملاك وهي لسه بتبكي: تمام يا بابا.
………………………………………..
عشق: خلاص يا ورد تتعوض.
ورد: ايه اللي يتعوض يا أختي الفنجان كان المفضل عندي انا عايزة غيره.
عشق: واحلي منه لورد عمو هاني.
ورد: يا بت ال ** انت علقتي.
عشق: حرام يا ورد عيب مش اخلاقنا.
ورد: اطلعي يا بت انت.
عشق: انا اصلا كنت طالعة.
……………………………….
تاني يوم عند عائشة..
عائشة: خالد هو مجاش.
خالد بخبث: لأ راح مهمة.
عائشة: مهمة ايه رعد انا لسة شيفاه امبارح.
رعد: انا هنا يا حبيبت قلب اخوك.
عائشة راحت حضنته: رعد انت لقيت عشق.
رعد: من زماااااان.

عائشة: طيب ليه هي مش راضية تيجي تعيش معانا علشاني.
رعد: لأ بسببي.
خالد: رعد ممكن دقيقة علي جنب.
رعد: تمام دقيقة يا عائشة.
رعد راح مع خالد.
رعد: ايه فيه اي.
خالد: بعد اذنك ابعد عن عائشة شوية.
رعد: وانت مالك انت.
خالد: اصل يعني في عيون مرقباها وهتشعل منكم.
رعد: ومين بقي ده.
خالد: يامن.
رعد بعصبيه: بص بقي يا دكتور لو صحبك ده مبعدش عنها مش هيحصله خير.
خالد: بس هو بيحبها.
رعد: واللي عمله فيها مش حب. وكان رايح يمشي.
خالد: غصب عنه افهموا دي طبيعة شغله.
رعد وقف وبص علي خالد : قصدك ايه.
خالد حكي لرعد كل حاجة.
رعد: ودا مش مبرر.
خالد: خدمة وطنه مش مبرر، وهو مكنش راضي يصحيها ودا كان غلطه الوحيد.
رعد: ويعني انا مالي بقا.
خالد: اجمعهم عائشة لسه بتحبه وبتتمني تلتمسله عذر واحد بس هي لو عرفت هتسامحه.
رعد رجع بذكرياته لما راح بعائشة بيته بعد ما طلعوها من المستشفي وشافت يامن وخالد لما جو يزروهم.
رعد بيفوق من ذكرياته.
رعد: اللي بيحب حد مش بيخاف منه وعائشة بتخاف من يامن.
خالد: دا أثر الصدمة لاغير وهي من عيونها باين عليها لسه بتحبه.
رعد رتح عند عائشة وقفل الباب واتكلم معاها.
رعد: عائشة مش انا اخوكي.
عائشة: اه طبعا يا رعد ولو كان عندي اخ مكنش هيحبني زيك.
رعد: تمام ردي علي سؤالي انت لسه بتحبيه.
عائشة: هو مين اللي لسه بحبه.
رعد: يامن يا عائشة.
عائشة: لأ هو اهاني وظلم عامر اللي ملهوش ذنب انه يعيش سنتين من غير ام ولا اب.
رعد: عيونك بتقول غير كده.
عائشة: في ستين داهيه عيوني او قلبي كرامتي متسمحليش اسامحه افهم.

رعد: عارف انه ظلمكم انت أو عامر او حتي عشق بس ده غصب عنه هو لسه بيحبك وباين عليه.
عائشة بدأت تبكي: بس ليه ليه انت عارف ماما طول التسع شهور اللي كنت حامل فيهم كانت بتلومني كانت بتقول انها معرفتش تربيني لحد ما ولدت ودخلت مستشفي المجانين.
وبعدين طلعت صورة من كوم الدريس.
عائشة: شايف دي فضلت معايا اكتر من أربع سنين، كنت لازم كل يوم اعاتبه فيها اتحولت لمجنونة لدرجة كنت بكلم صورة.
رعد دموعه نزلت عليها وافتكر عشق وحس بتأنيب ضمير عشانها.
رعد: اهدي يا عائشة لو مش عايزة محدش هيجبرك عليه.
عائشة: يا رعد انا عايزة اجي معاك لي اسبوع هنا والله مفي حاجة.
رعد بحب اخوي: عايزة ترجعي ليه يا نور عيوني.
عائشة: اتوحشت عامر ليا أسبوع مشفتهوش.
رعد بصدمة: مش لسه كنت جايبة امبارح نسيتي.
عائشة: ههه اه صح بس ده روحي مبحبش ابعد عنه خدني معاك وحياة عشق.
رعد بتردد: تمام ولقيتي نقطة ضعفي.
عائشة: ما انت الاهبل متخليهاش نقطة ضعفك خليها مصدر قوتك يا رعد.
رعد: هي الاتنين مع بعض عشق هي عشقي وحياتي.
عائشة: سيبنا من الكلام الفاضي ده ويلي نمشي.
……………………………….
في جامعة عشق…
عشق: مالك يا ملاك.
ملاك: مين مالك ده يا بت.
عشق: انت مالك فيك ايه.
ملاك: انا ملاك مش مالك.
عشق: خلاص يا ستي ايه مزعلك دا انت حتي مسألتيش النقاب مظبوط ولا لأ.
ملاك: عايزين يجوزوني يا عشق.
عشق: نعم انت لسه مخلصتيش تعليم، بس مين تعيس الحظ.
ملاك: ادم يا عشق ادم ولد خالي واخوي.
عشق: مش اللي مجنناني بيه وكل يوم لازم تحكي عنه.
ملاك: اه، بس هو متجوز، وكمان انا عايزة اللي يحبني.
ادم: ومين قالك اني مش هحبك يا ملاكي.
ملاك بصدمة: والصوت ده يشبهلي.
عشق: اه بالضبط ده ادم علي ما أظن.
ملاك قامت من علي الكرسي.

ملاك: انت بتعمل ايه هنا.
ادم: جاي اشوفك يا ملاك.
ملاك: ادم روح نتكلم في البيت.
ادم: انت مش عليكي محضرات تاني وجاي علشان نروح نشتري فستان الفرح.
ملاك بصدمة: نعم، احنا لسه اصلا متخطبناش.
ادم: مفيش خطوبة الخطوبة فترة تعارف وعلي ما أظن بنعرف بعض كويس.
ملاك: طيب ماما عارفة.
ادم: قلت لعمي وعمتي يعني عارفين.
ملاك: طيب عشق هتيجي معانا.
ادم: تنور.
عشق قرصت ملاك وقالت بصوت واطي: كفاية يا بت المجا*نين الواد اتعصب.
ملاك: طيب يلا.
عشق: انا مش هاجي ورايا مشوار صغنن.
ملاك: لأ، قصدي عادي روحي مشوارك.
عشق بخبث: يعني مش محتجاني.
ملاك: لأ خالص.
ملاك وادم طلعوا بس ملاك خبطت في زين ووقع الكتب اللي كان في ايده.
ملاك: آسفة مش قصدي.
زين: انت.
ملاك: دكتور زين مش قصدي بس مستعجلة.
زين: حصل خير.
آدم حس انها اتأخرت وراح يشوفها لقاها بتتكلم مع زين.
ادم بغضب: مين ده.
ملاك بهدوء: ده زين دكتور في الجامعة.
ادم: طيب يلا.
ملاك: سلام يا دكتور.
ادم وملاك طلعوا وهو كان علي آخره منها ركب العربيه وهي ركبت ورا.
ادم: تعالي اقعدي هنا.
ملاك: بس انا مرتاحة في مكاني.
ادم بعصبية: قلت تع….
ملاك نزلت وقعدت جنبه من خوفها منه.
وبعد مده ادم اتكلم.
ادم: والله وبتكلميه ليه يا محترمه.
ملاك:علي مين.
ادم: علي الاستاذ دكتورك ده.
ملاك: كنت بعتذر منه اصل خبط فيه.
ادم: دي كلها انا آسفة محتاجة كله ده.

ملاك: وهي مش محتاجة عصبية.
ادم: لأ محتاجة علشان انت……
ملاك: ادم ايه قول.
ادم: علشان حضرتك منتقبه ازاي تقفي معاه تكلميه.
ملاك: خلاص آخر مرة بس احنا ممكن نروح.
ادم: لأ قولت هنجيب الفستان الأول.
ادم وملاك راحوا وجابوا فستان خرافة كان لايق جدا علي ملاك وجابوا النقاب وكل حاجة وروحوا.
……………………..
: احنا هنفضل كده كتير.
: بص عندي هدف مش هنتجوز الا لما احققه.
: وايه هو الهدف ده بقا زهقت انا عايزك.
: يا زين استنا شويه بس انا لازم انتقم منه.
زين: يا حبيبتي قولي هو مين وانا هنتقملك منه اشد انتقام هخليه ينسي اللبن اللي رضعه.
: رعد الدمنهوري هو اهاني ولازم انتقم.
زين: تمام هنتقملك منه بس بعدها نتجوز.
: طيب سلام لأني اتأخرت.
زين: سلام يا قلبي.
……………………………
عند عشق…..
عشق: واااااارد الحقي يا ورد.
ورد: فيه ايه يا بت المجانين.
عشق: ملاك صحبتي هتتجوز وانا لأ.
ورد: ما انتي متجوزة يا بت.
عشق: خلاص طلقوني منه عايز اتجوز والبس الفستان الأبيض انا.
ورد: خلاص ياختي روحيله وخليه يطلقك.
عشق: لأ لسه مش جاهزة اقابله.
ورد: خلاص اسكتي. ودخلت المطبخ
عشق: ماشي يا ورد.